ᓄᓇᕗᑦ ᓯᕗᓂᑦᓴᕗᑦ ᐃᓕᓐᓂᐊᖅᑎᓄᑦ ᐃᑲᔫᑎᑦᓴᖏᑦ ᐃᓕᓐᓂᐊᕈᑎᓄᑦ ᓴᖅᑭᖅᑕᐅᔪᕕᓃᑦ 2011−ᒥ ᐃᓕᑕᕆᔭᐅᓯᒪᖁᓪᓗᒍ ᐱᒻᒪᕆᐅᓂᖓ ᓄᓇᕗᑦ ᓯᕗᓂᑦᓴᕗᑦ ᐱᓕᒻᒪᑦᓴᐅᑎᓂᑦ ᐱᓕᕆᐊᑦᓴᐅᑉ ᐊᒻᒪ ᐃᑲᔪᕐᓱᐃᔾᔪᑎᖃᖁᓪᓗᒋᑦ ᐃᓕᓐᓂᐊᖅᑏᑦ ᓯᓚᑦᑐᓴᕐᕕᒻᒧᑦ ᓯᓚᑦᑐᓴᕐᕕᔾᔪᐊᕐᕕᒻᒧᓘᓐᓃᑦ ᐃᓕᓐᓂᐊᕆᐊᖅᑐᓄᑦ.
ᐃᓕᓐᓂᐊᕈᑎᓄᑦ ᐃᑲᔫᑎ
ᐊᑐᖅᑐᐊᕐᕕᒃ ᑎᒥᖁᑎᖓᓐᓂᑦ ᐃᓕᓐᓂᐊᕈᑎᓄᑦ ᐃᑲᔫᑎᑦᓴᖏᓐᓄᑦ ᓂᕈᐊᖅᑏᑦ ᑲᑎᒪᔨᕋᓛᑦ ᐱᑎᑦᑎᒐᔭᖅᑐᑦ ᒪᕐᕉᓐᓂᒃ (2) $2,500−ᓂᑦ ᐃᓕᓐᓂᐊᕈᑎᓄᑦ ᐃᑲᔫᑎᑦᓴᓂᑦ ᓄᓇᕗᑦ ᓯᕗᓂᑦᓴᕗᑦ ᐃᓕᓐᓂᐊᕈᑎᒥᑦ ᐱᔭᕇᖅᑐᓄᑦ ᐊᕐᕌᒍᑕᒫᑦ.
ᐱᔪᓐᓇᖅᑐᓄᑦ ᒪᓕᒐᐃᑦ
- ᑐᑦᓯᕋᐅᑎᓕᐅᖅᑐᖅ ᐱᔭᕇᕐᓯᒪᒋᐊᓕᒃ ᓄᓇᕗᑦ ᓯᕗᓂᑦᓴᕗᑦ ᐱᓕᒻᒪᓴᐅᑎᓄᑦ ᐱᓕᕆᐊᑦᓴᒥᑦ ᐊᒻᒪ ᐃᓕᓐᓂᐊᖅᑎᐅᓗᓂ ᓯᓚᑦᑐᓴᕐᕕᒻᒥ ᓯᓚᑦᑐᓴᕐᕕᔾᔪᐊᕐᕕᒻᒥᓘᓐᓃᑦ ᐃᓕᓐᓂᐊᕐᕕᒻᒧᑦ.
- ᑐᑦᓯᕋᖅᑐᖅ ᐱᑎᑕᐅᒍᓐᓇᖅᑐᖅ ᐃᓕᓐᓂᐊᕈᑎᓄᑦ ᐃᑲᔫᓯᐊᓂᑦ ᑭᓯᐊᓂ ᐊᑕᐅᓯᐊᕐᓗᑎᒃ.
- ᐱᔭᕇᕐᓯᒪᔪᒥᑦ ᓈᒻᒪᑦᑎᐊᖅᑐᒥᑦ ᑐᑦᓯᕋᐅᑎᒥᑦ ᑲᑎᕐᓱᕐᓯᒪᔪᓂᑦ ᖃᐃᑕᐅᓯᒪᒋᐊᓖᑦ ᐃᓱᓕᕝᕕᖓᓂ ᐅᓪᓗᖓᓕ ᐅᖓᑖᓂᐅᖏᑦᑐᖅ.
ᑐᑦᓯᕋᐅᑎᓕᐅᖅᑐᓄᑦ ᓇᓗᓇᐃᔭᐃᑏᑦ
- ᐱᔭᕇᕐᓯᒪᔪᖅ ᑐᑦᓯᕋᐅᑎ ᑎᑎᕋᕐᕕᑦᓴᖅ.
- 500−ᓂᑦ ᐅᖃᐅᓯᓕᒻᒥᑦ ᐅᓂᒃᑳᓕᐅᕐᓯᒪᒋᐊᖃᖅᑐᑎᑦ ᖃᓄᐃᒻᒪᑦ ᒫᓐᓇ ᐃᓕᓐᓂᐊᖅᑕᓐᓂᑦ ᐃᓕᓐᓂᐊᕈᑎᖃᕐᒪᖔᖅᐱᑦ, ᖃᓄᐃᑦᑐᒥᑦ ᐃᖅᑲᓇᐃᔮᖃᕈᒪᒐᔭᕐᒪᖔᖅᐱᑦ ᐃᓕᓐᓂᐊᕇᕈᕕᑦ ᐊᒻᒪ ᖃᓄᖅ ᓄᓇᕗᑦ/ᓄᓇᕗᒻᒥᐅᑦ ᐱᕙᓪᓕᐅᑎᔾᔪᑎᖃᕐᓂᐊᕐᒪᖔᑕ ᐃᓕᓐᓂᐊᑕᓐᓂᑦ.
- ᓇᓗᓇᐃᔭᐃᑎᖃᕆᐊᓕᒃ ᐃᓕᓐᓂᐊᖅᑎᐅᓂᕐᒥᑦ ᖃᐅᑕᒫᑦ ᐃᓕᓐᓂᐊᕈᑎᓂᑦ.
ᖃᐅᔨᒪᒋᐊᓕᒃ ᐅᓂᒃᑳᓕᐊᑎᑦ ᐊᒻᒪ ᓇᓗᓇᐃᔭᐃᑎ ᐃᓕᓐᓂᐊᓂᕐᒥᑦ ᐊᑐᐃᓐᓇᐅᒋᐊᖃᕐᒪᑕ ᓂᐱᑎᑕᐅᔪᓐᓇᕐᓯᓗᑎᒃ ᖃᕋᑕᐅᔭᒃᑯᑦ ᐱᒋᐊᖅᐸᓪᓕᐊᓕᕈᕕᐅᒃ ᑐᑦᓯᕋᐅᑎᓕᐊᑦ ᑎᑎᕋᕐᕕᑦᓴᖅ!
ᑐᓂᓯᓂᖅ ᑐᑦᓯᕋᐅᑎᓐᓂᑦ
Atuqtuarvik Corporation Scholarship Committee
102-61 Tupirvik Avenue
P.O Box 900
Rankin Inlet, NU
X0C 0G0
Toll Free: 1-888-645-5901
Tel: 867-645-5900
Email: contact@atuqtuarvik.com
ᐃᓱᓕᕝᕕᖓ ᐅᓪᓗᕐᓯᐅᑎᒍᑦ ᐃᓕᓐᓂᐊᕈᑎᓄᑦ ᐃᑲᔫᑎᑦᓴᓂᑦ ᑐᑦᓯᕋᐅᑎᓄᑦ ᐅᓇ July 29, 2022 at 5:00 PM CST.
