ᑕᐅᑦᑐᒐᖅᑎᒍᑦ ᓵᓐᖓᔭᖃᕋᓱᒃᐳᒍᑦ "ᑲᑐᔾᔨᖃᑎᖃᓐᓂᒃᑯᑦ" ᐅᖓᑖᓄᑦ ᓯᕗᓕᐅᕆᓂᐅᑉ ᑲᑐᔾᔨᓂᖏᑕ ᐊᖏᓂᖅᓴᒧᑦ ᐴᖅᖢᑕ ᓄᓇᓕᓐᓄᑦ ᐱᓕᕆᖃᑎᖃᑦᑎᐊᓐᓂᖅ. ᐊᑐᖅᑐᐊᕝᕕᐅᑉ ᑎᒥᖓ ᑐᑭᓯᐅᒪᔪᖅ ᐱᔅᓇᓰᑦ ᐱᕈᕋᔅᓴᖏᓐᓄᑦ ᐃᓱᐊᓄᑦ ᑎᑭᑕᐃᓐᓇᓲᑦ ᐱᓕᕆᖃᑎᖃᓐᓂᒻᒥᒃ ᓴᖅᑮᒑᖓᒥᒃ ᓄᓇᓕᒻᒥᓂᒃ ᐱᔨᑦᑎᖅᑕᒥᓂᓪᓗ. ᑮᓇᐅᔭᓕᐅᕈᑎᒃᑯᑦ ᐃᑲᔪᐃᓂᖅ ᓄᓇᕘᒥ ᐊᑑᑎᓕᐅᒐᓗᐊᖅ, ᑭᓯᐊᓂ ᑲᒻᐸᓂᐅᔪᑦ ᑎᒥᑦᑎᑐᑦ ᐃᖅᑲᐅᒪᔭᕆᐊᖃᒻᒪᑕ ᓄᓇᓕᑦᑎᓐᓂᒃ ᓇᔪᖅᑕᐅᓲᓂᒃ ᐱᔨᑦᑎᖅᑕᑦᑎᓐᓂᒃ. ᑕᐃᒪᐃᓐᓂᑯᐊᓄᑦ, ᐊᑐᖅᑐᐊᕝᕕᐅᑉ ᑎᒥᖓ ᑲᔪᓰᓐᓇᖅᑐᒥᒃ ᐃᑲᔪᖅᓱᐃᓂᖃᓲᑦ ᓄᓇᓕᓐᓂ ᓴᖅᑭᑕᐅᔪᓂᒃ ᑎᒥᖁᑎᖏᑕᓗ ᑕᑯᔅᓴᕈᕋᓱᑦᑕᖏᓐᓂᒃ. ᓴᖅᑮᓚᐅᕆᕗᒍᑦ ᑎᒥᖁᑎᑦᑕ ᐃᓅᖃᑎᒌᓐᓄᑦ ᐸᖅᑭᖃᑕᐅᓂᑦᑎᓐᓄᑦ ᐸᓐᓇᐅᑎᒥᒃ ᑕᑯᔅᓴᕈᐃᔪᖅ ᐃᑲᔪᖅᓱᐃᓂᑦᑎᓐᓂᒃ ᓯᕗᓕᐅᕆᔭᓄᑦ ᐃᓕᖅᑯᓯᑐᖃᒃᑯᑦ, ᐃᓅᖃᑎᒌᓐᓂᒃᑯᑦ ᐃᓕᓐᓂᐊᕋᔅᓴᓄᓪᓗ ᐱᒋᐊᖅᑕᓯᒪᔪᓂᒃ ᓄᓇᕘᑉ ᐃᓗᐊᓂ. ᐸᓐᓇᐅᑎᕗᑦ ᐃᓚᖃᖅᑐᖅ ᐃᓄᖁᑎᑦᑕ ᐊᕙᑎᑦᑕᓗ ᐊᒃᑐᖅᑕᐅᖃᑦᑕᓐᓂᖏᑕ ᐱᔅᓇᓯᓄᑦ ᐱᓕᕆᓂᖃᓐᓂᕗᑦ ᐱᔨᑦᑎᖅᑕᑦᑎᓐᓄᑦ, ᐃᖅᑲᓇᐃᔭᖅᑎᑦᑎᓐᓄᑦ, ᓇᑉᒥᓂᖃᖅᑎᑦᑎᓐᓄᑦ, ᓄᓇᓕᑦᑎᓐᓄᑦ ᐊᒻᒪᓗ ᓄᓇᖁᑎᒋᔭᑦᑎᓐᓄᑦ.
ᖁᕕᐊᓱᓪᓚᕆᒃᑐᒍᑦ ᐅᖃᕈᓐᓇᕆᐊᒥᒃ ᐃᑲᔪᖅᓱᐃᓂᑦᑕ ᐅᑯᐊ ᑎᒥᖁᑎᒋᔭᖏᓐᓂᒃ ᐊᒃᓱᕈᐊᖃᖅᑐᑦ ᐃᓕᖅᑯᓯᑐᖃᑦᑎᓐᓄᑦ, ᐃᓄᖁᑎᑦᑎᓐᓄᑦ ᐃᓕᓐᓂᐊᕈᑎᒃᑯᓪᓗ ᐱᕚᓪᓕᕈᑎᖏᓐᓂᒃ ᓄᓇᕘᒥ ᓄᓇᕘᒥᐅᓄᓪᓗ.
