"ᑲᑐᔾᔨᓂᖃᓐᓂᖅ" ᐊᑐᓛᖑᖃᑕᐅᑎᑕᖅ ᑎᑭᓐᓇᓱᐊᒐᖏᑕ ᐊᑐᖅᑐᐊᕝᕕᐅᑉ ᑎᒥᖓᑕ. ᓴᖅᑮᕙᓪᓕᐊᓪᓗᑕ ᑐᓐᖓᕕᖃᑦᑎᐊᖅᑐᓂᒃ ᐱᔅᓇᓯᓄᑦ ᐃᓚᐅᖃᑕᐅᓂᓕᓐᓄᓪᓗ ᑲᑐᔾᔨᖃᑎᑦᑎᓐᓂᒃ, ᐃᓂᓪᓚᖓᓂᖅᓴᐅᕗᒍᑦ ᓴᖅᑭᔮᓐᓂᕗᑦ ᐊᖏᓂᖅᓴᐅᓪᓗᓂ ᐃᓚᐅᓂᕗᑦ ᐊᔾᔨᒌᖏᑦᑐᓂᒃ ᓴᓇᔪᓕᕆᓂᑦ ᐊᒡᒍᖅᓯᒪᓂᖏᓐᓂᒃ ᑭᑯᓕᒫᓄᑦ ᐅᖃᐅᓯᖃᕝᕕᐅᔪᓐᓇᖅᑐᒃᑯᑦ. ᑲᑐᔾᔨᖃᑎᒌᓐᓃᑦ ᐃᓚᐅᔪᓄᑦ ᐃᑲᔪᐃᓂᖃᖅᑐᑦ. ᒪᑐᐃᖅᓯᒃᑲᓐᓂᕈᓐᓇᖅᖢᑎᒃ ᐱᓕᕆᔪᓐᓇᓐᓂᑦᑎᓐᓂᒃ ᑲᑐᔾᔨᖃᑎᒋᔭᑦᑕ ᖃᐅᔨᒪᓂᖏᓄᑦ ᓴᖅᑮᔪᓐᓇᓐᓂᖏᓐᓄᓪᓗ. ᐊᑕᐅᑦᑎᒃᑯᓪᓗ, ᑕᑯᓯᒪᔭᕗᑦ ᐊᑐᖅᓯᒪᔭᕗᑦ ᐅᖃᐅᓯᕆᕙᒃᖢᒋᑦ ᑲᑐᔾᔨᖃᑎᒋᔭᑦᑎᓐᓄᑦ.
ᑲᑐᔾᔨᖃᑎᒌᓐᓃᑦ ᒪᕐᕈᐃᓕᖓᔪᑎᑐᑦ ᑕᐅᑐᒃᑕᕗᑦ. ᑕᐃᒪᓕ "ᐱᔅᓇᓯᓄᑦ ᑲᑐᔾᔨᔨᖃᐅᖅᐳᒍᑦ" ᐊᔾᔨᐸᓗᖏᓐᓂᒃ ᐱᔅᓇᓯᓂᒃ ᐱᓕᕆᖃᑎᖃᖅᖢᑎᒃ ᐱᔨᑦᑎᓐᓂᕗᑦ ᐊᖏᓂᖅᓴᐅᓇᓱᒃᖢᒍ ᐱᔨᑦᑎᖅᑕᑦᑎᓐᓄᑦ ᓄᓇᕘᒥᐅᓄᓪᓗ ᑕᒪᐃᓐᓄᑦ. ᑕᕝᕘᓇ, ᐊᑐᖅᑐᐊᕝᕕᐅᑉ ᑎᒥᖓ ᓯᕗᓕᐅᕆᓪᓗᑎᒃ ᑲᑐᔾᔨᖃᑎᖃᓕᓐᓂᑯᑦ ᓄᓇᖃᖅᑳᖅᓯᒪᔪᑦ ᑮᓇᐅᔭᖃᕝᕕᐊᓂᒃ. ᐃᓗᐊᓃᑦᑐᖅ ᑲᑐᔾᔨᓂᐅᑉ ᐱᔅᓇᓯᑐᐃᓐᓇᐅᖏᑦᑐᓄᑦ, ᑭᓯᐊᓂᑦᑕᐅᖅ ᐊᖏᓂᖅᓴᒃᑯᑦ "ᓄᓇᓕᓐᓂ ᐱᓕᕆᖃᑎᖃᓐᓂᕗᑦ". ᐃᓕᓴᕆᐅᒪᔭᕗᑦ ᑎᒥᐅᔪᑦ ᓄᓇᓕᓐᓂᑦ ᐃᓚᐅᖃᑕᐅᔪᓂᒃ ᐱᓕᕆᖃᑎᖃᕆᐊᖃᓐᓂᖏᓐᓂᒃ.