ᐊᑐᖅᑐᐊᕐᕕᒃ ᑎᒥᖁᑎᖓᑕ 20 ᐊᕐᕌᒍᓄᑦ ᐱᑕᖃᓕᕐᓂᖏᓐᓂᑦ ᓇᓪᓕᐅᓂᕐᓯᐅᕈᑎ ᐃᓕᓐᓂᐊᕈᑎᓄᑦ ᐃᑲᔫᑎᑦᓴᑦ ᓴᖅᑭᖅᑕᐅᓚᐅᖅᑐᑦ 2020−ᒥ ᓇᓪᓕᐅᓂᕐᓯᐅᕈᑎᐅᓗᑎᒃ ᑎᒥᖁᑎᐅᔫᑉ ᐊᕐᕌᒍᓄᑦ ᐊᕙᑎᓄᑦ (20) ᓇᖕᒥᓂᖃᓕᕐᓂᖏᓐᓂᑦ. ᐃᓕᓐᓂᐊᕈᑎᓄᑦ ᐃᑲᔫᑎᐅᔪᑦ ᐃᓕᑕᕐᓯᔾᔪᑎᐅᔪᑦ ᑐᓂᕐᕈᑎᒋᓯᒪᔭᖏᓐᓂᑦ ᐊᑐᖅᑐᐊᕐᕕᒃ ᑎᒥᖁᑎᖓᓐᓄᑦ ᓄᓇᕘᒥ. ᐱᒻᒪᕆᐅᓂᖅᐹᖑᓪᓗᓂ, ᐃᓕᓐᓂᐊᕈᑎᓄᑦ ᐃᑲᔫᑎᐅᔪᑦ ᑮᓇᐅᔭᑎᒍᑦ ᐃᑲᔪᕐᓱᐃᔾᔪᑎᐅᔪᑦ ᓄᓇᕘᒥᐅᑕᓂᑦ ᐃᓕᓐᓂᐊᖅᑎᓂᑦ ᐃᓕᓐᓂᐊᖅᑐᓄᑦ ᓯᓚᑦᑐᓴᕐᕕᒻᒥ ᓯᓚᑦᑐᓴᕐᕕᔾᔪᐊᕐᕕᒻᒥᓘᓐᓃᑦ. ᑎᒥᖁᑎᐅᔪᑦ ᐅᐱᒍᓱᑦᑎᐊᖅᑐᑎᒃ ᐊᑐᐃᓐᓇᐅᑎᑦᓯᒍᓐᓇᐸᑦᑐᑦ ᐃᑲᔫᑎᐅᔪᓂᑦ ᓄᓇᕘᒥᐅᑕᓄᑦ ᐃᓕᓐᓂᐊᖅᑎᓄᑦ ᑲᔪᓯᔪᓄᑦ ᐃᓕᓐᓂᐊᕈᑎᒥᓂᒃ.
ᐃᓕᓐᓂᐊᕈᑎᓄᑦ ᐃᑲᔫᑏᑦ
ᐊᑐᖅᑐᐊᕐᕕᒃ ᑎᒥᖁᑎᖓᑕ ᐃᓕᓐᓂᐊᕈᑎᓄᑦ ᐃᑲᔫᓯᐊᖅᑐᑦᓴᓂᑦ ᓂᕈᐊᖅᑎᖏᑦ ᑲᑎᒪᔨᕋᓛᑦ ᐱᑎᑦᓯᕙᓐᓂᐊᖅᑐᑦ ᒪᕐᕉᓐᓂᒃ (2) $2,500−ᓂᑦ ᐃᓕᓐᓂᐊᕈᑎᓄᑦ ᐃᑲᔫᑎᑦᓴᓂᑦ ᓄᓇᕘᒥᐅᑕᓄᑦ ᐃᓕᓐᓂᐊᕈᑎᓂᑦ ᐱᔭᕇᖅᐸᑦᑐᓄᑦ ᐊᕐᕌᒍᑕᒫᕐᓯᐅᑎᒋᓗᒍ.
ᐱᔪᓐᓇᖅᑐᓄᑦ ᒪᓕᒐᐃᑦ
- ᑐᑦᓯᕋᖅᑐᖅ ᐃᓅᒋᐊᓕᒃ ᐊᑎᖃᖃᑕᐅᓗᓂ ᓄᓇᕗᑦ ᐊᖏᕈᑎᒥ.
- ᐃᓕᓐᓂᐊᖅᑎᐅᒋᐊᓕᒃ ᓯᓚᑦᑐᓴᕐᕕᒻᒥ ᓯᓚᑦᑐᓴᕐᕕᔾᔪᐊᕐᕕᒻᒥᓘᓐᓃᑦ ᐃᓕᓴᕕᒻᒥ.
- ᑐᑦᓯᕋᖅᑐᖅ ᐱᑎᑕᐅᒍᓐᓇᖅᑐᖅ ᐃᓕᓐᓂᐊᕈᑎᓄᑦ ᐃᑲᔫᓯᐊᓂᑦ ᑭᓯᐊᓂ ᐊᑕᐅᓯᐊᕐᓗᑎᒃ.
- ᐱᔭᕇᕐᓯᒪᔪᒥᑦ ᓈᒻᒪᑦᑎᐊᖅᑐᒥᑦ ᑐᑦᓯᕋᐅᑎᒥᑦ ᑲᑎᕐᓱᕐᓯᒪᔪᓂᑦ ᖃᐃᑕᐅᓯᒪᒋᐊᓖᑦ ᐃᓱᓕᕝᕕᖓᓂ ᐅᓪᓗᖓᓕ ᐅᖓᑖᓂᐅᖏᑦᑐᖅ.
ᑐᑦᓯᕋᐅᑎᓕᐅᖅᑐᓄᑦ ᓇᓗᓇᐃᔭᐃᑏᑦ
- ᐱᔭᕇᕐᓯᒪᔪᖅ ᑐᑦᓯᕋᐅᑎ ᑎᑎᕋᕐᕕᑦᓴᖅ.
- 500−ᓂᑦ ᐅᖃᐅᓯᓕᒻᒥᑦ ᐅᓂᒃᑳᓕᐅᕐᓯᒪᒋᐊᖃᖅᑐᑎᑦ ᖃᓄᐃᒻᒪᑦ ᒫᓐᓇ ᐃᓕᓐᓂᐊᖅᑕᓐᓂᑦ ᐃᓕᓐᓂᐊᕈᑎᖃᕐᒪᖔᖅᐱᑦ, ᖃᓄᐃᑦᑐᒥᑦ ᐃᖅᑲᓇᐃᔮᖃᕈᒪᒐᔭᕐᒪᖔᖅᐱᑦ ᐃᓕᓐᓂᐊᕇᕈᕕᑦ ᐊᒻᒪ ᖃᓄᖅ ᓄᓇᕗᑦ/ᓄᓇᕗᒻᒥᐅᑦ ᐱᕙᓪᓕᐅᑎᔾᔪᑎᖃᕐᓂᐊᕐᒪᖔᑕ ᐃᓕᓐᓂᐊᑕᓐᓂᑦ.
- ᓇᓗᓇᐃᔭᐃᑎᖃᕆᐊᓕᒃ ᐃᓕᓐᓂᐊᖅᑎᐅᓂᕐᒥᑦ ᖃᐅᑕᒫᑦ ᐃᓕᓐᓂᐊᕈᑎᓂᑦ.
ᖃᐅᔨᒪᒋᐊᓕᒃ ᐅᓂᒃᑳᓕᐊᑎᑦ ᐊᒻᒪ ᓇᓗᓇᐃᔭᐃᑎ ᐃᓕᓐᓂᐊᓂᕐᒥᑦ ᐊᑐᐃᓐᓇᐅᒋᐊᖃᕐᒪᑕ ᓂᐱᑎᑕᐅᔪᓐᓇᕐᓯᓗᑎᒃ ᖃᕋᑕᐅᔭᒃᑯᑦ ᐱᒋᐊᖅᐸᓪᓕᐊᓕᕈᕕᐅᒃ ᑐᑦᓯᕋᐅᑎᓕᐊᑦ ᑎᑎᕋᕐᕕᑦᓴᖅ!
ᑐᓂᓯᓂᖅ ᑐᑦᓯᕋᐅᑎᓐᓂᑦ
Atuqtuarvik Corporation Scholarship Committee
102-61 Tupirvik Avenue
P.O Box 900
Rankin Inlet, NU
X0C 0G0
Toll Free: 1-888-645-5901
Tel: 867-645-5900
Email: contact@atuqtuarvik.com
ᐃᓱᓕᕝᕕᖓ ᐅᓪᓗᕐᓯᐅᑎᒍᑦ ᐃᓕᓐᓂᐊᕈᑎᓄᑦ ᐃᑲᔫᑎᑦᓴᓂᑦ ᑐᑦᓯᕋᐅᑎᓄᑦ ᐅᓇ July 29, 2022 at 5:00 PM CST.
