ᑐᑭᓯᒋᐊᕈᑎᔅᓴᐃᑦ ᐅᓂᒃᑳᑦ ᐆᒃᑐᕋᖅᑐᓄᑦ

1. ᐱᔾᔪᑎᒋᔭᖓᑦ ᑮᓇᐅᔭᖅᑖᖅᑎᑦᑎᓂᖅ

ᐊᑐᖅᑐᐊᕝᕕᒃᑯᑦ ᑎᒥᖓ ᐊᑐᖅᑎᑦᑎᓲᖑᕗᑦ ᓇᖕᒥᓂᕆᔭᐅᔪᓂᓪᓗ ᑐᖅᑯᐃᓪᓗᑎᒃ ᑮᓇᐅᔭᓂᒃ ᐱᔾᔪᑎᖃᖅᖢᑎᒃ ᐱᔅᓇᓯᓂᒃ ᐱᒋᐊᖅᑎᑦᑎᔪᓂᒃ, ᐊᖏᓕᒋᐊᕆᔪᓂᒃ ᐊᒻᒪᓗ ᓂᐅᕕᖅᑐᓄᑦ. ᑮᓇᐅᔭᖃᖅᑎᑕᐅᔪᓐᓇᖅᑐᑦ ᑮᓇᐅᔭᓕᐅᕈᓐᓇᖅᑐᑦ, ᓄᓇᕘᒥᑦ-ᑐᓐᖓᔪᑦ ᐃᓄᓐᓂᓪᓗ ᐃᑲᔫᐃᓗᑎᒃ ᐃᓗᐊᒍᑦ ᐃᖅᑲᓇᐃᔭᖅᑎᑦᑎᓂᐅᑉ, ᐱᓕᒻᒪᔅᓴᐃᓂᐅᑉ ᐃᓅᓯᐊᒍᓪᓗ ᐱᕚᓪᓕᐅᑎᓄᑦ.

2. ᐃᓱᖃᓐᓂᖏᑦ ᑮᓇᐅᔭᖃᖅᑎᑕᐅᔪᓐᓇᖅᑐᑦ

ᐊᑐᖅᑐᐊᕝᕕᐅᑉ ᑎᒥᖓ ᓴᖅᑭᑕᐅᓂᑰᕗᖅ ᒪᑐᐃᖅᐹᓪᓕᕋᓱᐊᖅᖢᒍ ᐱᔅᓇᓰᑦ ᐆᒃᑐᕋᕈᓐᓇᖅᑐᑦ ᐊᔾᔨᒌᓐᖏᑦᑐᓄᑦ ᑮᓇᐅᔭᓄᑦ ᐊᑐᕋᔅᓴᐅᔪᑦ ᐱᔅᓇᓯᐅᔪᓄᑦ. ᑕᐃᒪᐃᓐᓂᐊᓄᑦ, ᐆᒃᑐᕋᖅᑐᖃᕈᓂ ᐊᑐᖅᑐᐊᕝᕕᐅᑉ ᑎᒥᖓᓄᑦ ᑮᓇᐅᔭᓂᒃ ᑐᒃᓯᕋᕈᑎᓂᒃ, ᐆᒃᑐᕋᖅᑐᑦ ᓂᕆᐅᕝᕕᖃᕝᕕᐅᓂᐊᕆᕗᑦ ᒪᑐᐃᕈᑎᓯᒪᔪᓕᒫᑦ ᕿᓂᓐᓂᐊᓪᓗᒋᑦ ᑮᓇᐅᔭᓕᐅᕋᓱᐊᖅᑎᓄᑦ ᐊᑐᖅᑎᑦᑎᓲᑦ ᑎᒥᖁᑎᖏᓐᓂᒃ.

ᐅᑯᐊ ᑕᒪᐃᓐᓅᖓᔪᑦ ᑐᑭᒧᐊᒍᑏᑦ ᐊᑐᖅᑕᐅᓲᑦ ᑕᑯᓇᓕᕌᖓᑦᑕ ᐊᑐᖅᑕᐅᔪᒪᔪᑦ ᐊᒃᑎᒋᓂᖏᓐᓂᒃ:

  • ᐆᒃᑐᕋᖅᓯᒪᔪᑦ ᐃᒻᒥᒃᑯᑦ ᑮᓇᐅᔭᒥᓂᒃ ᑐᖅᑯᖅᓯᒪᓂᐊᖅᑕᒪᓂᒃ ᓴᖅᑮᔪᓐᓇᕆᐊᓖᑦ; ᐊᒻᒪᓗ
  • ᐊᑐᖅᑐᐊᖅᑕᐅᔪᑦ ᐱᔅᓇᓯᖓᓄᓪᓗ ᑐᖅᑯᖅᑕᐅᔪᔅᓴᑦ ᒪᓕᓐᓂᐊᓪᓗᑎᒃ ᐊᒃᑎᒋᓂᐊᓄᑦ ᐃᓄᓐᓄᑦ ᓇᖕᒥᓂᕆᔭᐅᓂᐊᑕ.

3. ᐊᕐᕌᒍᑐᓂᖏᑦ ᐊᑐᖅᑐᐊᕈᑏᓪᓗ

ᐊᑐᖅᑐᐊᕈᑏᑦ ᐊᑭᓕᒐᔅᓴᐅᔪᑦ ᑐᓐᖓᓲᑦ ᑮᓇᐅᔭᖃᕝᕖᑦ ᐊᑐᖅᑐᐊᕈᑖᑕ ᐱᐅᓛᖓᑦ ᕿᑐᓐᖏᐅᕈᑖ ᐅᓗᕆᐊᓇᐅᑎᔪᓪᓗ ᐊᑐᖅᑎᑦᑎᓂᒻᒧᑦ. ᐊᑐᖅᑐᐊᕈᑏᑦ ᐊᕐᕌᒍᖃᓲᑦ 1-5-ᓄᑦ. ᐊᑐᖅᑐᐊᕈᑎᒧᑦ ᐊᑭᓕᖅᓲᑎᐅᓲᑦ ᐃᓱᖃᕈᓐᓇᖅᖢᑎᒃ 25-ᓄᑦ ᐊᕐᕋᒍᓄᑦ.

4. ᕿᒥᕐᕈᓇᒍᑎᕗᑦ ᑭᒡᓕᓯᓂᐊᕈᑎᑦ

ᐅᑯᐊ ᑎᓴᒪᐅᔪᑦ ᑭᒡᓕᓯᓂᐊᕈᑎᕗᑦ ᐊᑐᖅᑕᐅᓲᑦ ᐊᑐᓃᖓᓪᓗᒋᑦ ᐆᒃᑐᕋᕈᑏᑦ ᕿᒥᕐᕈᔭᐅᓕᕌᖓᒥᒃ. ᐅᑯᐊᖑᕗᑦ:

  • ᑮᓇᐅᔭᓕᐅᓐᓂᖓᑕ ᑲᔪᓯᑦᑎᐊᕈᒥᓇᓐᓂᐊ ᓴᖅᑭᑕᐅᔪᒪᔫᑉ
  • ᐊᒃᑎᒋᓂᐊ ᐃᓄᓐᓄᑦ ᓇᖕᒥᓂᕆᔭᐅᓂᖓ ᐳᓴᓐᑎᐊᒍᑦ ᐃᓚᐅᓂᖏᓪᓗ ᐃᓄᖏᑦ ᐊᐅᓚᑦᑎᔨᐅᔪᓄᑦ
  • ᐃᑲᔫᑎᖃᓐᓂᖏᑦ ᐃᓄᓐᓄᑦ ᓄᓇᕘᒥ ᓴᖅᑭᑕᐅᔪᒪᔪᖅ. ᓇᓗᓇᐃᖅᓯᒪᔪᑦ ᐃᑲᔫᑎᔅᓴᐃᑦ ᓴᖅᑭᑕᐅᔪᒪᔪᓄᑦ ᕿᒥᕐᕈᔭᐅᓲᑦ ᐅᑯᐊ ᑕᑯᓇᒃᖢᑎᒍᑦ: ᐃᖅᑲᓇᐃᔮᑦ; ᓇᖕᒥᓂᖃᓐᓂᖏᑦ; ᐃᒡᓗᖃᖅᑎᑦᑎᓂᖓ; ᐅᖃᐅᓯᖅᑕᖏᑦ ᐱᖅᑯᓯᕆᔭᖏᓪᓗ. ᓂᕆᐅᒋᔭᐅᓐᖏᓚᖅ ᐊᑐᓂᑦ ᐃᑲᔫᑎᐅᔪᑦ ᓴᖅᑭᑕᐅᔪᓄᑦ ᑕᒪᒃᑮᒐᔭᕋᓱᒋᓇᑎᒍᑦ ᑕᒪᐃᓐᓂᒃ; ᑭᓯᐊᓂᓕ, ᑕᑯᔭᐃᓐᓇᕆᓗᒋᑦ ᐃᑲᔫᑎᐅᔪᑦ ᑕᑯᔅᓴᕈᓐᓂᖃᕆᐊᓖᑦ ᐃᑲᔪᖅᑕᐅᓂᐊᕈᑎᒃ.
  • ᑮᓇᐅᔭᖃᖅᑎᑕᐅᓂᖓ ᐊᓯᖏᓐᓂᒃ ᐃᑲᔪᓲᓂᒃ (ᓲᓪᓗ ᑮᓇᐅᔭᖃᕝᕕᒻᒥ, ᐊᒡᒍᖅᓯᒪᔪᑦ ᒐᕙᒪᑐᖃᒃᑯᓪᓗ ᓴᖅᑭᓯᒪᔭᖏᓐᓂᒃ) ᐱᖃᓯᐅᑎᓯᒪᓗᒋᑦ ᓴᖅᑭᓐᓇᓱᒃᑕᓐᓄ

ᓇᓗᓇᐃᖅᓯᒪᔪᓂᒃ ᓴᓇᔪᓕᕆᓂᐅᔪᓂᒃ ᐊᒡᒍᖅᓯᒪᓂᐅᔪᓂᓪᓗ ᐃᓱᖃᓐᓂᖏᓐᓂᒃ ᐃᓱᒪᓕᐅᕆᓯᒪᖏᑦᑐᑦ.

5. ᑎᑎᕋᖅᓯᒪᔭᕆᐊᓕᑦ

ᐅᑯᐊ ᓇᓗᓇᐃᖅᓯᒪᔪᑦ ᑎᑎᕋᐅᓯᐅᓯᒪᔭᕆᐊᓖᑦ ᐆᒃᑐᕋᐅᑎᓯ ᕿᒥᕐᕈᔭᐅᖁᒍᔅᓯᐅᒃ ᖃᐅᔨᓴᖅᑎᓄᑦ ᐊᒻᒪᓗ ᐃᑲᔪᖅᑕᐅᔪᓐᓇᓐᓂᐊᓄᑦ ᑕᑯᓇᓕᕈᑎᒃ.

  • ᑐᑭᓯᒋᐊᕈᑎᔅᓴᐃᑦ ᑐᕌᖓᔭᓖᑦ ᐆᒃᑐᕋᖅᑐᓄᑦ ᐱᖃᓯᐅᑎᓯᒪᓗᒍ ᐃᓕᖅᑯᓯᖃᓐᓂᖓ ᐱᔅᓇᓯᐅᑉ ᓴᖅᑭᓯᒪᔭᖏᑕ, ᑮᓇᐅᔭᖅᑐᖅᓯᒪᓂᐊ ᒪᑭᒪᓕᖅᑎᓪᓗᒍ ᐊᒻᒪᓗ ᓂᕆᐅᒋᔭᐅᔪᑦ ᐃᓯᖅᑐᔅᓴᐃᑦ ᑮᓇᐅᔭᑦ ᓇᓗᓇᐃᖅᓯᒪᔪᒃᑯᑦ.
  • ᐊᑐᖅᑕᐅᔪᒪᓯᒪᔪᖅ ᓇᖕᒥᓂᖃᖅᑎᓄᑦ ᓴᖅᑭᓐᓇᓱᐊᖅᑕᖓᑕ ᐱᔅᓇᓯᐅᑉ.
  • ᖁᓛᓂᑦ ᑕᑯᓗᒍ ᓇᓗᓇᐃᓪᓗᒋᑦ ᐊᑐᓛᖑᓂᐊᖅᑐᑦ ᓴᖅᑭᑦᑐᒪᔭᓐᓂᒃ ᖃᓄᐃᑦᑐᒥᓪᓗ ᐱᓕᕆᖃᑕᐅᖁᒻᒪᖔᖅᐱᒋᑦ ᐊᑐᖅᑐᐊᕝᕕᒃᑯᑦ.
  • ᐱᓕᕆᐊᖑᓂᐊᖅᑐᓂ ᐸᕐᓇᐅᑦ ᐱᖃᓯᐅᔾᔨᔪᖅ:
    • ᐅᓂᒃᑳᑦ ᖃᓄᐃᑦᑐᒥᒃ ᐱᔅᓇᓯᒋᔪᒪᔭᐃᑦ ᐱᓕᕆᐊᖃᓐᓂᐊᒻᒪᖔᑦ
    • ᐊᑐᖅᑐᐊᕝᕕᐅᑉ ᑎᒥᖓᓐᓂᒃ ᐱᔪᒪᒐᔭᖅᑕᑎᑦ ᐊᑐᖅᑐᐊᕈᑏᑦ
    • ᓇᖕᒥᓂᖃᖅᑏᑦ ᐊᐅᓚᑦᑎᔨᐅᓂᐊᖅᑐᓪᓗ
    • ᕿᒥᕐᕈᓂᖃᓐᓃᑦ ᓂᐅᕕᕋᖅᑎᔅᓴᓂᒃ ᐱᔨᑦᑎᓐᓂᐊᖅᑕᑎᓪᓗ ᐱᔅᓇᓯᒋᔭᓐᓄᑦ
    • ᑮᓇᐅᔭᑦ ᐃᓯᓐᓂᐊᕋᓱᒋᔭᑎᑦ
    • ᐃᓗᓕᑯᓘᔭᖏᑦ ᓇᓗᓇᐃᕆᔪᑦ ᓇᑭᑦ ᓇᓪᓕᐊᓐᓂᓪᓗ ᑎᒥᐅᔪᓂᒃ ᑮᓇᐅᔭᖃᖅᑎᑕᐅᓂᕆᔭᐃᑦ
    • ᐃᓗᓕᖃᑦᑎᐊᖅᑐᑦ ᐊᑐᕋᓱᐊᕈᒪᔭᑎᑦ ᓴᖅᑭᓐᓇᓱᐊᓐᓂᕆᔭᕕᓪᓗ ᐊᑐᓕᕈᑎᔅᓴᖏᓐᓄᑦ ᐸᓐᓇᐅᑎᑎᑦ
    • ᑎᑎᖅᑲᐃᑦ ᐊᑐᓐᓂᐊᓐᓂᕋᐃᔪᑦ ᑎᑎᕋᖅᑕᐅᓯᒪᔪᓪᓘᓐᓃᑦ ᐸᐃᑉᐹᑎᒍᑦ ᐊᖏᖅᑕᐅᓯᒪᓂᓐᓄᑦ ᒪᓕᒐᖅᑎᒍᑦ ᐊᐅᓚᔾᔭᐃᒋᐊᒥᒃ
    • ᓇᐃᓗᓇᐃᔭᖅᓯᒪᓗᒋᑦ ᓂᕆᐅᒋᔭᑎᑦ ᐃᑲᔫᑎᐅᒐᔭᖅᑐᑦ ᓴᖅᑭᓐᓇᓱᐊᖅᑕᕕᑦ ᐃᓄᖁᑎᖏᓐᓄᑦ ᓄᓇᕘᑉ
    • ᐊᓯᓕᒫᖏᑦ ᐊᒃᑐᐊᓂᓖᑦ ᐊᕙᑎᒧᑦ ᕿᒥᕐᕈᐃᓂᐅᔪᑦ

ᐆᒃᑐᕋᕋᓱᐊᖅᑐᖅ ᑐᓐᓂᕆᓯᔭᕆᐊᓕᒃ ᐊᑐᖅᑐᐊᕕᐅᑉ ᑎᒥᖁᑖᓄᑦ ᑎᑎᖅᑲᑎᒍᑦ ᐊᖏᖅᓯᒪᔾᔪᑎᓂᒃ ᑎᑎᕋᖅᓯᒪᔪᑦ ᓱᓕᑦᑎᐊᓐᓂᖏᓐᓄᑦ ᖃᐅᔨᓴᓐᓂᒻᒧᑦ ᐅᖄᓚᔭᐅᓪᓚᕆᒍᓐᓇᓪᓗᑎᒃ ᑮᓇᐅᔭᖃᕝᕕᑎᑦ, ᑮᓇᐅᔭᓄᑦ ᑕᒻᒪᖅᓯᒪᔪᖅᓯᐅᑎᑎᑦ, ᐊᑐᖅᑎᑦᑎᓯᒪᔪᑦ, ᐃᖅᑲᓇᐃᔭᖅᑎᑎᑦ, ᐊᑐᖅᑎᑦᑎᔪᓐᓇᓃᑦ ᐊᓯᖏᓪᓗ

6. ᖃᐅᔨᓴᖅᑕᐅᕙᓪᓕᐊᓂᖏᑦ

ᐱᔭᐅᑎᓪᓗᒍ ᐊᑐᖅᑐᐊᕈᒪᔾᔪᑎᒧᑦ ᑐᑭᓯᒋᐊᕈᑏᑦ ᐊᒻᒪ ᐃᓚᒋᔭᖏᑦ ᐸᐃᑉᐹᓕᒫᑦ, ᑮᓇᐅᔭᓕᕆᓂᕐᒧᑦ ᐊᖏᔪᖅᑳᖅ ᐱᔭᕇᕐᓂᐊᖅᑕᖏᑦ ᐱᔭᐅᔭᕿᐊᖃᖅᑐᓂᑦ ᐊᑐᓕᖁᔭᓕᐅᕐᓗᓂ ᑲᑎᒪᔨᓄᑦ. ᐱᔪᒪᔾᔪᑎᐅᔪᖅ ᐃᓱᒪᓕᐅᖅᑕᐅᓯᒪᓕᕈᓂ ᑲᑎᒪᔨᓄᑦ, ᐱᓇᓱᐊᖅᑐᖅ ᐅᖃᐅᔾᔭᐅᑦᑕᐅᑎᒋᓂᐊᖅᑐᖅ ᖃᓄᐃᑕᐅᓂᕆᔭᖓᓂ.