ᓖᓕ ᐃᓐᑐᐳᕋᐃᓯ

ᓖᓕ ᐃᓐᑐᐳᕋᐃᓯ ᐊᑐᐃᓐᓇᐅᑎᑦᑎᔪᖅ ᓂᐅᕕᒐᔅᓴᓂᒃ, ᑐᔪᒻᒥᕕᔅᓴᓂᒃ ᐊᐅᓪᓚᐅᔾᔨᔨᓂᓪᓗ ᐱᔨᑦᑎᐅᑎᓂᒃ ᕿᑭᖅᑕᔾᔪᐊᒻᒥ, ᑲᖏᖅᖢᒑᐱᒻᒥ ᐃᖃᓗᓐᓂᓗ. ᐱᔅᓇᓯᖓ ᐊᖏᓕᒋᐊᓚᐅᖅᑕᖓ ᐃᓚᓪᓗᒋᑦ ᓇᔅᓯᐅᔾᔨᔪᓐᓇᐅᑎᑦ, ᐅᖅᓱᐊᓗᓕᕆᓃᑦ, ᖃᐅᔨᒪᔨᑕᖃᐅᓰᑦ ᐊᑐᖅᑐᐊᕋᔅᓴᐃᓪᓗ.

ᓇᖕᒥᓂᓖᒃ ᓚᔅᓕ ᐊᒻᒪᓗ ᑏᐊ ᓄᑭᕈᐊᖅ ᐃᓕᓴᖅᓯᓯᒪᔫᒃ ᑖᒃᑯᐊ ᐊᑐᖅᑐᐊᕝᕕᐅᑉ ᑎᒥᖓ ᐃᑲᔪᐃᓪᓚᕆᔅᓯᒪᓂᖓᓐᓂᒃ ᐱᔅᓇᓯᒋᔭᖓᓐᓂᒃ ᐊᖏᓕᓇᓱᐊᖅᑎᓪᓗᒋᑦ. "ᑲᔪᓯᒐᔭᓚᐅᓐᖏᑦᑐᒍᑦ ᐱᑕᖃᓚᐅᓐᖏᒃᑯᑎᒃ," ᐅᖃᖅᐳᖅ ᑏᐊ. "ᐃᓕᓴᖅᓯᓚᐅᒻᒪᑕ ᐱᕈᕈᓐᓇᓐᓂᑦᑎᓐᓂᒃ ᐃᑲᔪᐃᓪᓚᕆᒃᖢᑎᓪᓗ ᐱᓇᓱᐊᖅᑕᑦᑎᓐᓂᒃ. ᐊᑐᖅᑐᐊᕕᐅᑉ ᑎᒥᖓᓐ ᐊᑑᑎᖃᓪᓚᕆᒃᑐᒥᒃ ᐃᓂᖃᖅᑐᖅ ᓄᓇᕘᑉ ᑮᓇᐅᔭᓕᐅᕋᓱᐊᓐᓂᖓᓂᒃ.