ᐱᔅᓇᓯᒧᑦ ᑲᑐᔾᔨᖃᑎᒌᒃᑎᑦ

ᐅᔾᔨᕆᓂᑦᑎᓐᓄᑦ ᐱᑕᖃᕆᐊᖃᓐᓂᖓᓐᓂᒃ ᓄᓇᕘᒥᐅᑦ ᐊᒻᒪᓗ ᓄᓇᕘᒥ ᐱᔅᓇᓯᐅᔪᑦ ᐅᓄᓐᓂᖅᓴᓂᒃ ᓵᑦᑎᔪᓐᓇᖁᓪᓗᒋᑦ ᑮᓇᐅᔭᖃᕝᕕᓐᓂᒃ, ᓯᕗᓕᐅᕆᓪᓗᑕ ᑲᑐᔾᔨᖃᑎᖃᓕᓚᐅᖅᑐᒍᑦ ᓄᓇᖃᖅᑳᖅᓯᒪᔪᑦ ᑮᓇᐅᔭᒃᑯᕕᖓᓐᓂᒃ (FNBC). ᓂᐅᕕᓐᓂᕗᑦ ᐱᖁᑎᖃᖃᑕᐅᔾᔪᑎᓂᒃ ᓴᖅᑮᓚᐅᖅᐳᖅ ᐊᑐᖅᑐᐊᕝᕕᐅᑉ ᑎᒥᖓ ᐊᖏᓛᖑᖃᑕᐅᓕᖅᖢᓂ ᓇᖕᒥᓂᖃᖅᑎᐅᔪᓂᒃ ᑭᒡᒐᖅᑐᖅᖢᑎᒍᑦ ᓄᓇᕘᒥ ᐊᑎᖃᖃᑕᐅᔪᑦ.

ᑕᕝᕘᓇ ᑲᑐᔾᔨᖃᑎᖃᓐᓂᑦᑎᒍᑦ, FNBC-ᑯᑦ ᒪᑐᐃᖅᓯᓯᒪᓕᖅᐳᑦ ᑮᓇᐅᔭᒃᑯᕕᓪᓚᕆᒻᒥᒃ ᐃᖃᓗᓐᓂᑦ ᐊᒻᒪᓗ ᓄᓇᓕᓐᓂᑦ ᑮᓇᐅᔭᒃᑯᕕᕋᓛᓂᒃ ᖃᒪᓂᑦᑐᐊᒻᒥ ᒥᑦᑎᒪᑕᓕᒻᒥᓪᓗ. FNBC-ᑯᑦ ᐱᕈᖅᐸᓪᓕᐊᔪᑦ ᓄᓇᕘᒥ. ᖁᓪᓗᖅᑑᒥ ᐱᖓᔪᖓᓐᓂᒃ ᓄᓇᓕᓐᓂ ᑮᓇᐅᔭᒃᑯᕕᕋᓛᒥᒃ ᒪᑐᐃᖅᓯᓂᐊᖅᑐᑦ. ᖄᒃᑲᓐᓂᐊᒍᑦ, FNBC-ᑯᑦ ᐱᔅᓇᓯᐅᔪᓄᑦ ᐊᑐᖅᑎᑦᑎᓂᖅᓴᐅᓕᖅᑐᑦ ᓄᓇᕘᒥ.

ᑲᔪᓰᓐᓇᖅᐳᒍᑦ ᐊᔾᔨᐅᓐᖏᑦᑐᓂᒃ ᕿᓂᖅᖢᑕ ᓴᖅᑮᓇᓱᒃᖢᑕ ᓄᑖᓂᒃ ᕿᓂᖅᖢᑕ ᐃᓚᖃᐅᖅᖢᑕᓗ ᑲᑐᔾᔨᖃᑎᒋᔭᑦᑎᓐᓂᒃ ᐱᓕᕆᖃᑎᖃᓐᓂᒻᒥᓪᓗ ᐃᑲᔪᐃᓇᓱᒃᖢᑕ ᐱᔨᑦᑎᖅᑕᑦᑎᓐᓂ ᓄᓇᕘᒥᓪᓗ ᑮᓇᐅᔭᓕᐅᕋᓱᐊᓐᓃᑦ ᐱᐅᓯᒋᐊᖁᓪᓗᒋᑦ.

ᓄᓇᖃᖅᑳᖅᓯᒪᔪᑦ ᑮᓇᐅᔭᖃᕝᕕᖓ ᑮᓇᐅᔭᓕᕆᕝᕕᒻᒥᒃ ᒪᑐᐃᖅᓯᔪᑦ ᖃᒪᓂᑦᑐᐊᒻᒥᑦ