Main Content

Canadrill Limatit.

canadrill no background

Nunallaarmiutaupluni nanminiqalihaaqtuq nutarauhimayuq Kangiqliniqmi, Nunavunmi, Cody Dean ilitarivagait uukturahuaqpagaillu havaagait nanminiqaqtunit nunallaarnit. Cody ilihimayauyuq inugiktutut, qauhittiarnaqtutut, ilumuuqtutut, naahurittiarnaqtut kayumiktutullu. Hapkua pitquhittiat, ahiagullu nanminiqarumania ihumaqattiaqtumiklu pitquhiqaqhuni hivumuuqpalliatjutigiyait nanminiqaqtutut hanayit hannaviinit.

Apiriyaugaangat tautugumayainik nanminianit, Canadrill Limatit, Cody ilittuqhitivaktuq hivunighamik aklivaallirnaqtumik, alruyaqtuqtunik atuqpallialutik, ihuaqtukkut aulapkaiyaamik, Inuit ilaupkaivalliayaamik inuuhiqattiaqtumiklu nanminiqaqtunik ilagiittiarniqmik. Aghuuqhaqpaktuq huli taimaa ihuaqnighakkut havaqatighaqhiuriamik munattiarahuaqhugillu ilagiittiaqhutik. Taimaa ilagiittiaqhutik Cody makitihimayaat hivulliq nanminiriyaat, Dean Utility Ikayuutait Inc., talvanngat aippaanik nanminiqmik aullaqtihimayuq, Canadrill Limatit.

Dean Utility Ikayuutait Inc. aullaqtitauhimayuq kiutjutaupluni nanminiqnut havaaghanut Nunavunmi havakvilluanganit, Iqaluit. Cody uqaqtuq taimaa “hilataaniilaittuq, ilumut tautughuni,” inminik ilauniaqhimayuq. Nutaatut ilihaqhimattiaqhuni alruliqiyi, Cody ikayuqtiqaliqtuq taapkuninnga Valard Construction talvuuna angiyumik hivulliqmik kaantulaaktitauhimayuq. Kinguani aulattiaqhimapluni havaaghait, Cody niuvrutigihimayaat maniliugait niuviqhugu Canadrill Limatit, nanminiuyuq havaarilluaqhugu tunngavighaliuqtut ikuutaqhutik. Ihumaliugaghaq nanminiqarniqmut ihumaliuquyauhimayuq uqaqtilluanganit ilihimattiaqtumik manighiurniqmullu ayuittumik.

Ingilrutighaqaqhuni ihuaqtunik angiyunik, hakugiktumik ihumagiyaqaqhuni ihuaqtumiklu uqautjauvaghuni, Cody manighautinut ikayuqtighaqhiuliqtuq niuviriamiuk Canadrill Limatit. Atuqtuarvik Kuapuriissan-kunnit manighaqhimayut ikayuutighait nanminianut aullaqtiriamiuk. Atuqtuarvik uqautjivaktut aghuuqhaqhugulu nanminiqarniqmut havaaghainut. Ilagiittialiqtut kinguani ukpiruhuutiplutik ihumagittiaqhutiklu. Ikayuqtigiighutik, Cody taapkualu Atuqtuarvik ikayuqtuiyut hivunighaptingnik inuuhiqattiaqtumik aklivalliayumiklu nanminiqaqtunik Nunavunmi. Naunaiqhitipluhilu taimaa Cody havaktittiyuq Inuinnarnik inulramminik ilihaqhutik havaghutik hananiqmik, taimaatut havingnik nipitiriyut, ikuutaqtit qauyihaiyillu. Inuinnaqnik havaaghaniktittiyuq havaaghanik hivuliqtiuniqmullu havaaghanik.

Cody Dean hivuliqtiupluni ilittuqhitiuyuq aimavingnit-aklittiqhimayunik Ukiuqtaqtumi ayuittunik. Ilittuqhitihimayuq inuuhiqattiaqtumik nanminiqaqhutik ilagiittiarniqmik, ikayuqtighaqhiuqhutik uqautjiyighaqhiuqhutiklu, niuviqtiuplutiklu ayuitainik Inuinnait havaktiit. Ayuitait atuqhugit, hanatuplunilu aulapkaiplunilu aulattiaqtumik nanminiqmik, Cody pimmariupluni ulapqiqatauyuq Nunavunmi aklivaalliqtumi manighaqhiurvighat.

Naqillugu hamna taiguariamik makpiraaliuqhimayuq talvanngat Nunaqaqqaaqhimayut Nanminilgit Hitamauplutik.