Nakuuniqhakkut Iniqhittiarumayut Quttiktumi
Kinngait qaiqtuillu avatingniittut Ikpiaryungmi, mikiyuq haamlat tununnganiittuq ualiniqhianit Qikiqtaaluk. Quttiktumiut tingmitjat ivavaktut qaiqtuni tuugaalgillu aarluillu ingilravigivagaat ukiuq tamaat. Hilataaninnuaq nunallaam nayugalik atilik Arqvartuuq, talvani Moses Oyukulum ilaita nayuliqpagaat nutaraupluni. Taimaa inminik nuliangalu Zipporah aullaqtittiyumagamik nanminiinik, attiqhimayaat nayugarivagaanik inuuraaqhutik puiguqtailiyaghanik. 1993-mi, nuliariik aullaqtittihimayaat Arqvartuuq Ikayuutait Limatit taksituutit ikayuutainik, agyaqtaqhugit inuit Ikpiaryungmit Nanisivingmillu, qanittuq nunallaaq hanayauhimayuq avatiinit lead-zinc uyaraghiuqviit aajjikkutaanik attiqhimayuq. Taamna nanminiriyauyuq aullaqpalliagami, Arqvartuuq niuvqihimayut aghaluutiryuamik agyaqtautighaat havaktinik uyaraghiuqvingnut, taaksiutait ikayuqhimmaaqhugit nunallaarmiut havaktiillu. Havaghat amigaiqpaalliramik, nanminiit hapkua hiamitpalliayut, ilaplugu hanayit nanminiuyut hiniktarvingmiklu. Ukiut atuqtillugit, naallugit kitihimayait avatquttut 100 havaktiit, amigaitqiyat nunallaarmiutat havaktiuyut. Atauhiq ayuqhautauvaktuq havaktighaqhiurniqmut taimaa ilihattiaqhimayunik hanayighanik havaktighaqhiuriamik, talvuuna nanminiit hapkua ilaani havaktighaliqpaktut kaantulaaktit ikayuqtiinik kitunut havaaghanut. Ikpiaryuk inuilrumiinnami, aulapkaiyaamik nanminiqnik ayuqhautiqaliqpaktuq. Nanisivik Uyaraghiuqviat, aularaaqpaktuq 1976-mit, umiktauhimayuq 2002-mi, taamnalu nunallaaq qimaktauhimaliqtuq. Hiniktarvik ikitqiyanik inuqaliqpaktuq ukiumi pulaaqtaqtut ikighivaalliraangamik Ikpiaryungmut.
Ayuqhautiqaraluaqhutik, Arqvartuuq aulattiaqhimmaaqtuq. 2005-mi, nanminiit hapkua havaqatigiliqtait Atuqtuarvik Kuapuriissakkut, manigharnik tunihivigiplugit uqautjigiplugillu. “Arqvartuuq kinguvaktittihimaittumik naunaiqhitivaktut, nakuunginnaqhutik tuhaqtittivaghutalu,” uqaqtuq Reanna Sateana, Aulapkainiqmut Titiraqtiuyuq Atuqtuarvikkunni. “Ilrahuyuittut uvaptingnit unniqtuiyumayaugaangamik aturiagivaragalu Moses’ nanminiqarniqmut ayuitait pitquhialu ilitariyaamingnik havaaghanik.” 2010-mi, Oyukulukkut taitai ilitaqhihimayut havaagharnik aklivaalliqhugu hiniktarviat, taamna Tangmaarvik Inn, ilaqaqhutik iklirmik tupauttaqtuniklu hiniktarvingmik. Hapkua aklivaalliutauyut nanminiinut, atuqtaghat tikkuaqvigiinnarialingnik pulaaqtunut Ikpiaryungmut. Nutaaq aanniaqtuliqiyit havakviat hanayaupluni nunallaarmingnit, hiniktarvik tatamainnaqtuq. Apirigupkigit Oyukulukkut, aulattiapkaiyaamik nanminirnik tungimuayuktut ilagiittiarniqmut. “Hulilukaaqvigilugit nunallaat,” unniutivagait Ukiuqtaqtumiut nanminilgit,’ taimaa ikayuqtauyaamik nunallaarnit aghuurnaqtuq aulattiarniqmut.”
Naqillugu hamna taiguariamik unipkaanguyuq talvanngat Up Here makpiraaqnit.