Aktikkulaanga ‘havaqatigiikniq’ piyuq avataanut ihumaliurhimayukutlu havaqatigiikniq hivituniqmut Nunallaani piqatigiikniq. Atuqtuarvik Kuapuriisinga kangirhiyaa nanminiqaqtut akhuraaluk ihumagiyaat pittaarningit piliuqtamiknik piqatigiikniq nunallaanut inunginnullu talvaniittut ikayuqtakhangit. Tunitillutik maniliqinirmut pidjutinganut Nunavunmi akhuurutauyuq, havakvingit uvaptitut nanminiriyakhaa munarininnga tunigiami nunallaanut ikayurahuaqtaptiknut. Uplumimut, Atuqtuarvik Kuapuriissat ikayuqhimmaaqpaktut nunallaarni huliyuqaraangat timiqutiniklu aittuqhivaghutiklu tughiqtaugaangat taapkualu tallimauyut ilihaqpaalliutighat Nunavunmiunut Inuinnaqnut upluq tamaat ilihaqtunut. Piliuqtugullu Havakviuyut Inungit Munariniq (qablunaatitut naittumik taiyauyuq CSR-mik) Ihumaliurut naunaiqtaa ikayuutivut hivuniqmungaqtiniq pitquhiq, inungit ilihaidjutingillu havaakhauhingit Nunavunmi. Ihumaliuqtavut ihumagiyaat inungit avatingillu ihumaalutingit nanminiriyavut hulilukaarutingit pipkaidjutiyut ikayurahuaqtaptiknut, havaktingit, nanminiqaqtiuyut, nullaangit avatingalu.
Quviahuktugut uqariami ikayuqtavut hapkuat timiqutigiyauyut akhuuqtut pitquhimut, inuknut ilihaidjutimullu pivallianiq Nunavunmit uumanilu Nunavummiunut.
