Inuinnait Nanminiit
Hivunighaq Qaumaqpiaqtuq taapkununga Peter’s Expediting Ltd. Inuinnait nanminiit Nunavunmi aghuurnaqtumik havaaghalgit nunallaarnit aviktuqhimayumilu manighiurvingnit. Ikayuutauvaktut havaktittiplugit nunallaarmiutat inuit ikayuqtuiplutik ihariagiyauyunik ikayuutinik. Atauhiq ilittuqhitiuyuq aulattiaqtumik Inuinnait nanminiinik nakuuyumik ikpingnautauyuq taamna Peter’s Expediting Ltd. (PEL).
Aulaplutik Qamanittuarmi, Nunavunmi, PEL-kut quviahuutiginiaqtaat 20-nguyut ukiut aippaagunnguqqat. Hapkua inittiaqhimayut ilitariyauyughat. Hivuliqtigiplugu Peter Tapatai taamnalu Frank Tootoo, PEL-kut kinnguihimayut ayuqhautauyuktunik nanminiqariamik Ukiuqtaqtumi. Aklivaalliqhimayaat PEL-kut nanminiqmut akiraqtuqtunik agyaqtautinik ikayuutikkut talvunga pivighanik hanavallianiqmut, aullaaqtarniqmik ahiniklu hannavingnik aulayunik Kivalliqmi aviktuqhimayumi. Aulapkaiyaanut taapkua ilauyut agyaqtut hunaqutinik nunakkut, uhiiyaiplutik umitjat uhiyainik, agyaqtaqhugit inuit uyaraghiuqvingnut nunamilu uhiiyaiyunik Qamanittuam tingmiaqarvianit.
IkpingnaqhivaktutTapataim taaffumalu Tootoom quviattangniit niriuktiarniillu PEL-kut iniqhimaliqtainnit unipkaaqatigigaangapkit.
“Aullaqtilihaaraptitku PEL, naluyugut qanuq inuuhiqqut aallannguqpallianiaqtuq qanuqlu havakluarnaqhiniariaghaat hanavalliayaamik aulattiaqtumik nanminiqmik. Naammanaarutigivagaqqut ikayuqtivut ikayuqpaktavut taapkua Agnico Eagle Uyaraghiuqviat, NSSI, Calm Air ahiillu. Naammanaarutauvaktullu ikayuqtiqarapta niuviqtaqtumik nanminiqmikt taamnatut Atuqtuarvik Kuapuriissakkut manighakkut ikayuqtigiplugit aklivalliapluta. Havaqatigivaktaqqut Atuqtuarvikkut 2003-mit ikayuqtigivaghugit aghutaq. Havaqatiqattiaqtugullu PEL-kunni quviahukpiaqhutalu unniutiyaaffingnik taimaa havaktivut 100%-nguyut inuinnait”, Tapatai uqaqtuq.
Tootoo uqaqtuqlu taimaa, “Ukpiruhuktugut taimaa naammaktunik hanauhiqaqtugut. Nanminiqalirapta amigaitqiyauvaktut Inuinnait nanminiptingnit ilihimapluta hivuanit taimaa hannaviqariamik titiraliqiyaamiklu ayuittunik ikayuqtiilliuqniaqtugut, talvuuna ikayuqtigiliqtaqqut Braden-Burry Expediting (BBE) aullaqtiliraptitku PEL. 19 ukiut qaangiqhutik, quviahukpiaqtugut unipkaariami taimaa aulapkainginnarialiktugut tamangnik havaaghat nanminiptingnit uvaptingnit, talvuuna, niuviqhimayaqqut BBE-kut avvaita tatqiqhiutimi nunguhimayumi ikayuqtigiplugu Atuqtuarvikkut. Quviahukpiaqtugut BBE-kunnut ikkuaqtigigaptitku ikayuqtigiplugillu ukiunit atuqhimayunit ikayuqpakkamik aulapkaiyaamik aulattiaqtumik Kivalliqmi agyaqtaqtut nanminiinik. Nanminiillu taapkuatut Calm Air taapkualu Agnico Eagle Uyaraghiuqviit, uyaraghiuqviillu tamaat, havaqatiginiaqhimayait Inuit nanminiit Nunavunmi, naahurittiaqtugut taimaa hivunighavut qaumaniaqtuq. Naahurittiaqtaqqut hivunighavut taimaa 100%-nguplutik Inuinnait nanminiriplugu.”
Piitam Agyaqtautait Limatit qipliqtumik ilittuqhitiuyuq taimaa ikayuqtigiiktumik havaqatigiittiaqtut havaqataillu, ikayuqtait, niuviqtiit ahiillu ilauyut ikayuqtiulaaqtut hanavalliayunik aulattiaqtunik Inuinnait nanminiinik Nunavunmi.