Main Content

Atuqtuarvik Kuapuriissakkut Aullaqtittiyut Tughirautinik Ilihaqpaalliutighanut 2022-mut

maggie_putulik_8_0.jpeg

July 2022 - Ilitariplugit ikayurahuaqhugillu Nunavunmiut Inuinnait ilihaqtut ilihaqpaalliqniaqhimayut. Atuqtuarvik Kuapuriissat quviahukpiaqtut aittuqhiyaamik tallimanik (5) ilihaqpaalliutinut ikayuutinik 2022-mut!

Taapkuanguyut:

Atuqtuarvik Corporation 20th Anniversary Scholarships (two scholarships valued at $2500 each)

Nunavut Sivuniksavut Alumni Scholarships (two scholarships for NS graduates valued at $2500 each)

John Hickes Business Scholarship (one scholarship valued at $5000 for a student studying in the field of business)

 

Ilihaqpaalliutighat ikayuutit aittuqtauvaktut ikayuutighait manikkut upluq tamaat ilihaqtunut ilihaqpaallihaanut iniqtirahuanullu. Atuqtuarvik Kuapuriissat ukpiruhuktut ikayuqtuiyaamik manikkut ilihaqpaalliqtunik Nunavunmi Inuinnarnik ilihaqtunik naahurittiaqtullu tuniyauyaamik tughirautinik ilihaqpaalliutighanut ukiuq!

 

Uukturumaguvit tughirautinut ilihaqpaalliutighanik, titirainnarialik tughirautit qaritauyakkut talvani  https://atuqtuarvik.com/en/scholarship-application. Ihumaguvit taimaa aittuqtaunginnarialiktut ilihaqpaaliutighanik, uuktuinariaqaqtutit. Qaritauyakkut tughirautit nutaanguyuq qaritauyakkuurutiptingnit ayuqnaiqpaalliqhimayuqlu ilihaqtunut atuqtitauyaamik. Uqauhitit tuhaqtauyumainnaqtut.

 

Naqiinnarialgit atatarutit atuqtitauyaamik qaritauyakkut titiraaghanik:

https://atuqtuarvik.com/en/20th-anniversary-scholarship-application-package

https://atuqtuarvik.com/en/nunavut-sivuniksavut-scholarship-application-package

https://atuqtuarvik.com/en/john-hickes-business-scholarship-application-package

 

Umikvighaat tuniyauyaamik iniqhimayuq ilihaqpaalliutinut tughirautinik August 5-nguyuq, 2022-mi 5:00 mungaqqat Kivalliqhiit Upluqhiutaigut.

Uvaptingnut hivayainnarialik apiqhuutighaqaruffi tughirautinut talvani contact@atuqtuarvik.com.

Atuqtuarvik Kuapuriissan Tuhaqtittiyut Aullaqtirutaanik John Hickes Nanminiqarniqmut Ilihaqpaalliutinik

jack_willie_2.jpg

Quviahukpiaqtugut tuhaqtittiyaamik Atuqtuarvik Kuapuriissakkut aullaqtitaghaat John Hickes Nanminiqarniqmut Ilihaqpaalliutighaq. John Hickes havakluaqhimayuq nanminiqnit talvuuna hapkua ilihaqpaalliutikkut ilitarivaqqut pattautiplugulu ikayuutainut.

Ukiuq tamaat, Atuqtuarvik Kuapuriissakkut aittuqhinahuat atauhiqmut (1) ilihaqpaalliqtumut $5000-taalamik. Hapkua ilihaqpaalliutauyughat ilihaqtumut upluq tamaat ikayuutighait iniqhivalliaplutik ilihaqtamingnik.

Ilihaqpaalliutighanut uukturumaguvit, qaritauyanit titirannguqlugu ilihaqpaalliutinut naunaitkutat uuktuutillu hamani qaritauyakkut titiraqluhiluuniit talvunga mpizzo-lyall@atuqtuarvik.com.

 

Umikvighaat uuktuqtunut tuniyauyaamiklu ilihaqpaalliutinut uuktuutit August 24-nguyuq, 2018 5:00-mi Kivalliqhiit upluqhiutaagut.

Atuqtuarvik Kuapuriissan Taihiyut 2018-mi Ilihaqpaalliutinik Aittuqtauyunik

niore_iqalukjuaq_4

Atuqtuarvik Kuapuriissan quviahukpiaqtut taihiyaamik aittuqtauhimayut ilihaqpaalliutighanik 2018-mi!

Quviahuutigivaqqut Mandy Tatty taamnalu Tamara Takpannie tikkuaqtauhimagamik taapkununnga Nunavut Sivuniksavut Ikayuqtiit Ilihaqpaalliutainik $2500-taalamik tamangnik.

Quviahuutigivaqqut Kassidy Koaha-Laube hivulliqpiangugami aittuqtauhimayuq taaffuminnga John Hickes Nanminiqarniqmut Ilihaqpaalliutinik $5000-taalamik.

Inuit ayunngittualuk! Upigivapsi! Quviahuutigivaffi nakuuniqhaniklu 2018-19-mi ilihaqvighaptingnit!

Naqillugu hamna takuyaamik naunaitkutat.

Naunaitkutait Atuqtuarvik Kuapuriissan 2019-mi Ilihaqpaalliutinik Aittuqtauhimayut

final_scholarship_announcement_2019.jpg

Taapkua Atuqtuarvik Kuapuriissan Katimayiit Havaktiillu quviahuktut tuhaqtittiyaamik taapkua malruk (2) 2019-mi Nunavut Sivuniksavut Ikayuqtiit Ilihaqpaalliutighainik aittuqtauyut taamnalu 2019-mi John Hickes Nanminiqarniqmut Ilihaqpaalliutighamik aittuqtauyuq!

Malruk (2) 2019-mi Nunavut Sivuniksavut Ikayuqtiit Ilihaqpaalliutighat $2,500-taalauyuq aittuqtauhimayuq Augatnaaq Eccles-mut Kangiqliniqmit talvungalu Iimali Karpik Pangnirtuumit!

 

Taamna 2019-mi John Hickes Nanminiqarniqmut Ilihaqpaalliutighaq $5,000-taalauyuq aittuqtauhimayuq talvunga Marley Dunkers Iqalungnit!

 

Quviahuutigivaqqut tamangnik pingahuuyut ilihaqtiaqtit! Takulugit naunaitkutat ilihaqpaalliutinut aittuqtauyunullu naunaiqhitinit uiguanguyut

Atuqtuarvik Kuapuriissan Naunaitkutait Qalakyuarnaq-19-mut March 19-mi 2020

Atuqtuarvik Corporation Logo

Inungnik Naunaiqhitit

Atuqtuarvik Kuapuriissan munarivagaat Qalakyuarnaq-19 tatqiqhiutimi atuqtumi ungavaqhimaplugit amirnautauyut hangutitaqtailiyut havaktinut. Kiutjutigiplugu amigaiqpaalliqtunut aanniaqpalliayunut Kanatami tingmivaghutiklu Nunavunmut huli, ihumaliuqhimayugut qayangnaiyarahuaqhugu umighugu havakvikput ukkuangit March 19-mi 1:00-munngaqqat upluummaat kinguani naunaiqhiniaqqut angmaqvighaanik. Havaktivut havakpangniat aimavingnit aulavangniaqhuta huli. Titiraqlutik qaritauyakkut kiuhiniaqqugut apiqhuutinik ihumaaluutiniklu ihumaaluutiqaqqat.

 

Katimayiit Havaktiillu Atuqtuarvik Kuapuriissakkut

Atuqtuarvik Kuapuriissan 2020-mi Ilihaqpaalliutighanik Aittuqtauyut

Taapkua Atuqtuarvik Kuapuriissan Katimayiit Havaktiillu quviahuktut tuhaqtittiyaamik malruuk (2) 2020-mi Nunavut Sivuniksavut Ikayuqtiit Ilihaqpaalliutighanik aittuqtauyut, taapkua malruk (2) 2020-mi Atuqtuarvik Kuapuriissan 20-nik Ukiunik Aulapkainiqmut Ilihaqpaalliutighanik aittuqtauhimayut taapkualu 2020mi John Hickes Nanminiqarniqmut Ilihaqpaalliutighanik aittuqtauhimayuq!

Taapkua malruk (2) 2020-mi Nunavut Sivuniksavut Ikayuqtiit Ilihaqpaalliutighaq $2,500-taalauyut tuniyauhimayut talvunga Charmaine Okatsiak Kangiqliniqmit talvungalu Jane Pameolik Arvianit!

Taapkua malruk (2) 2020-mi Atuqtuarvik Kuapuriissan 20-nik Ukiunik Aulapkaitjutaanit Ilihaqpaalliutighat tuniyauhimayut talvunga Brendan Mannik Qamanittuamit talvungalu Jenna Kilabuk Pangnirtuumit!

 

Taamna 2020-mi John Hickes Nanminiqarniqmut Ilihaqpaalliutighaq $5,000-taalauyuq tuniyauhimayuq Elizabeth Aglukark-mut Arvianit!

 

Quviahuutigivaqqut tamangnik tallimauyut ilihaqtut! Takulugit naunaitkutat ilihaqpaalliutighanut aittuqtauyunullu hamani!