1. Huuq Pipkaidjutinahuaqtut Manikharvikhanga
Atuqtuarvik Kuapuriisinga tunivaktuq atukkirumayunut unalu nanminiqaqtiit kiinauyaqarniriyangit maniliurutiniqmut pipkaidjutigiami nanminiqaqtut aullaqtirutinga, angikliyuumiq niuvirumayuniklu. Angiqtauyut havaakhauhiit ittukhaq pittaaqtunik, Nunavunmi ittukhaq piliurlunilu ikayuutikhanik inuknut ittumi havaakhaniqmut, ayuirhayut inuuhiningillu ihuarhigiami.
2. Kiklikhanga Manikharvikhanga
Atuqtuarvik Kuapuriisinga piliurhimayuq ihuarhigiami piinarialaqilugu angiqtauyut nanminiqaqtut aatlatqiinut ikayuutautiuyut uumannga maniliurahurniqmut kiinauyaliqinirmut. Talvuuna, tamna uuktuut tuniyaukpat Atuqtuarvik Kuapuriisinganut kiinauyaliqinirmut, ikayuqtiuyut ihumagiyauyut angikliyuumiqtukhaq pipkaidjutingit tammaqtilairiami maniliurahurniqmut kiinauyaliqinirmut ukunannga aatlat ikayuutautiuyut.
Tamna maliktakhangit atuqtauyut ihivriuliraigumi atukkiutiyamiknik hapkuat:
- Uukturahuat tuniyakhangit inmiknik nanminiqaqtiit kiinauyaqarniriyangit; unalu
- Atukkiutinga nanminiqaqtiit kiinauyaqarniriyangit maniliurutiniqmut qaffitaalauyuq piyut pusantnganit inuit nanminiriyanganik
3. Qanuriliurutingit Akingitlu
Akingit akiliqtakhangit pihimayut uumannga Maniqarviuyut Quuliqpariyaanganit tamainnitlu havaakhauhiq qayangnat. Atukkirumayunut piyukhauyut atauhiqmit tallimanut ukiunik. Akiliffaaqtakhat 25ni ukiunik.
4. Ihivriuqninnga Maliktakhat
Hitamat maliktakhat piliuqtaa tunngavinga talvani inuk uuktuutingit kiinauyaliqinirmut ihivriuqtauyut. Ukuat:
- Tamna kiinauyaliqinirmut pittaarninnga uumani havaakhauhiq
- Pusantnga inuit nanminiriyait ilauyullu munariniqmi
- Ikayuutinga uumani havaakhauhiq inuknut Nunavunmit. Ihuaqtuq ikayuutikhanik piyut talvunga havaakhauhiit ihivriuqtauyut hapkunani: havaat; nanminiriyauyut; iglut; uqauhingit pitquhinginniklu. Ihumagiyaungittuq tamna ikayuutikhangit inuup havaakhauhiit ilaliutiniaqtuq tamainni; kihimi, piqaqqat tamainnit ikayuutikhanik tuniyauyukhaq pittaariami.
- Kiinauyaliqinirmut ikayuqtukhanik aatlanit ikayuutautiuyut (ukunatitut, maniqarviuyut, Avikturhimayut unalu Kaanatap Kavamanga pinahuarutit) ihuaqtumik atuqtauhimayukhaq havaakhauhiqmut.
Piqangittuq ihuaqtunik havaat ilanganikluuniit pittailiniq havaakhauhinut ihumagiyauniariami.
5. Titiraqmunngaqniq
Hapkuat titiraqmunngaqniq inminik ihariagiyauyut taimaa uuktuutingit angiqtaugiami ihivriuqtauyukhamik unalu manikharvikhanga ihumaliurut.
- Naunaitkutat uuktuutip unalu qanuritaakhaanik nutaamit nanminiqaqtut, kiinauyaliqinirmut naunaitkutinga itqurnarutaitlu ihuaqqata.
- Hivuniqmi nanminiriyauniq tunngavinga havaakhauhiqmut.
- Naunaitkutaq akhuurutauyut ilanganik uumani havaakhauhiq havaangillu Atuqtuarvik Kuapuriisinga apiriyauyut pipkaidjutauyut.
- Nanminiqaqtut ihumaliurut ilaliutiyut hapkuninnga:
- Qanurittunik hivuniqmi nanminiqaqtut hulilukaarutinik
- Maniliurutiniqmut apiriyauyuq Atuqtuarvik Kuapuriisinganit
- Nanminiriyauniq munariniqlu
- Ihivriuqniq niuvvaaviinik unalu havakvingit ikayuqtauyut ikayuqtauyukhatluuniit Nanminiqaqtumit
- Kiinauyaliqinirmut itqurnarutait
- Naunaitkutat hivuniqmi kiinauyaliqinirmut tamainnit ikayuutautiuyut
- Naunaiqhimayut ihumaliurhimayukutlu unalu havaakhauhiq aulapkaininngit ihumaliurutauyut
- Titiraqhimayut ihumagiyauyut titiqqatluuniit naunaiqtauyut munariyauyut angirutit ihariagiyauyut
- Naunaiyainiq ihumagiyauyunik ikayuutikhanik uumani havaakhauhiq inuknut Nunavunmit
- Ihuaqtunik avatinganik ihivriuqniq
Tamna uuktuqtuq tuniyukhaq Atuqtuarvik Kuapuriisinga titiraqhimayumik angirutimik naunairiami naunaitkutat pihimayut uuktuutimi ukunuuna talvungalluaq uqaqatigilugu ukununnga uuktuqtup maniqarviutauyunut, maniliqiit, atukkanguqtatit akiliqtakhatit, havaktingit, atukkiqtut atugaiyaiyiuyut, hunavaluillu.
6. Ihivriuqninnga Pitquhingit
Pigumitku uumani uuktuut naunaitkutat tamaitalu ikayuutauyut titiraqmunngaqniq, tamna Kiinauyaliqinirmut atan’nguyanga iniqtiqniaqtaa ihariagiyauyut akiliqtakhaanut havakviuyut pitquiliuriami ukununnga Katimayiuyut Aulapkaiyiuyunik. Talvannga Uuktuut ihumaliuqtaukpat Katimayiinginnit, tamna uuktuqtuq uqautiyauniaqtuq qilaminnuaq qanuriliurutinganik.