Taamna John Hickes Nanminiqarniqmut Ilihaqpaalliutighat aullaqtitauhimayuq 2018-mi ihumagittiaqhugu John Hickes hivuliqtiuniqmik ahittumik hivituyumiklu katimayiughaaqhuni Atuqtuarvik Kuapuriissakkuni. Ilihaqpaalliutit hapkua ilitarihimayaillu John inuuhiatut-hivituyumik iniqniaqhimayaanik ilauyaamingniklu nanminiqnut nanminiqaqtutut, amihuuyullu ikayuutaita aullaqtittiyaamik aulattiaqtumik manighiuqhimmaarniqmullu Nunavunmi. Itqaumagiplugu John-ngup nakuuyumik ikpingnautait aghuurumanialu, quviahuktugut aittuqhiyaamik ilihaqpaalliutighanik ikayuutighaita ilihaqtut ilihaqpaalliqniaqhimayut nanminiqarniqmik.
Ilihaqpaalliutighat
Atuqtuarvik Kuapuriissakkut John Hickes Nanminiqarniqmut Ilihaqpaalliutinik tikkuaqhiyit katimayiralaangit aittuqhiniaqtut atauhiqmik (1) $5,000-taalamik ilihaqpaalliutighanik ilihaqtumut nanminiqarniqmik ilihaqpaalliqvingmi ukiuq tamaat.
Uuktuinnarianingmut Maliktaghat
- Tughiraqtuq Inuinnauyughat ataagut taamna Nunavunmi Angirutit
- Taamna ilihaqtuq ilihaqpaalliqvingmut titiraqhimayughaq nanminiqarniqmik ilihaqpaalliqluni ilihaqtitauyunikluuniit ilauyuq hivumuuqtitpalliayunik inungnik.
- Taamna tughiraqtuq aittuqtaunginnarialik ilihaqpaalliutighanik atauhiiqluni
- Iniqtauhimayuq tughirautik tuniyauhimayughat umikvighaat upluanit
Tughirautinut Titiqtaghat
- Iniqtauhimayuq tughirautit titiraaghat
- 500-nik uqauhilingnik unipkaanik ilittuqhitiyumik huuq ihumagilluaqtat ilihaqpaalliqniaqhimayat, qanuq havaaghaqhiurniaqhimayutit ilihaqtaaqhimaguvit qanuqlu Nunavut/Nunavunmiut
- Naunaitkutat titiraqhimayaarnik upluq tamaat ilihaqpaallirvingnut
Naunaiqhimaluhi taimaa unipkaat naunaitkutallu titiraqhimayaarnit hailiyauhimayughat titirannguinnarianikluni titiralirungni tughirautit!
Tunilugu Tughirautit
Tughirautit Tuniinnarialik Qaritauyakkut tuyuqlugilluuniit titiraqhimayut tughirautit qaritauyakkut titirakkut, titiraqaqvikkut kayumiktukkulluuniit talvunga:
Atuqtuarvik Kuapuriissat Ilihaqpaalliutinik Aittuqhiyut Katimayiralaat
102-61 Tupirvik Apqutaat
Titiraqaqviat 900
Kangiqliniq, NU
X0C 0G0
Akiittukkut: 1-888-645-5901
Hivayaut: 867-645-5900
Email: contact@atuqtuarvik.com
Umikvighaat tughirautinut ilihaqpaalliutighanik July 29-mi, 20220 5:00 Kivalliqhiit Upluqhiutaagut
