Main Content

Havaqatigiikniq

‘Havaqatigiikniq’ akhuurutauyuq tikiutinnahuaqtanganik Atuqtuarvik Kuapuriisinga. Pivallianikkut ittumik nanminiqaqtut tigumiaqtiuyuniklu havaqatigiikniq, iliqtugut nakuutqiami igiami angikliyuumiriami tautuknivut ilaunivulu aatlatqiini havakviuniqmi inuknnilu pipkaidjutingani. Takuyugut havaqatigiikniq atayumik ikayuutauyumik. Tuniyaatigut pipkaidjutinik angikliyuumiriami pittaarnivut havaqatigiipta ilihimaninnganik pipkaidjutinganiklu. Talvanilu, tunittaaqtugut tautuktuuyaaptiknik ilihimaniqlu havaqatiptiknut.

Tautuktavut havaqatigiikniq piliurhimayuq malruukni ilauyunik. Piqaqtuq “nanminiqaqtut havaqatigiikniq” talvani tautukninnga ilaugiami aadjikutamik nanminiqaqtut ikayuqniaqtuq ihuarhigiami ikayuutikhat tunittaaqtavut ikayurahuaqtaqtaptiknut Nunavunmiutanullu tamaat. Uumani ilauyunik, Atuqtuarvik Kuapuriisinga piliuqtut ihumaliurhimayukutlu havaqatigiikniq ukununnga FNBC (Hivulliqpaanguyut Inungit Kiinauyarvinganik Kaanatami). Aktikkulaanga havaqatigiikniq piyuq avataanut nanminiqaqtut havaqatigiikniq hivitutqiamut “nunallaani pipkaidjutinginnik”. Ilitariyavut akhuurutiutinga kuapuriisinga piliuqtuq pipkaihimaninnga nunallaani tigumiaqutauyunik.

Taimaalu, Ikayuqtigiiktut Havaaghaqhiuqtut Havaqatigiiliqtut taapkualu NCC Manighiurniqmut Katimayiit 2010-mi – NCC/AC Hannaviit Pulaaqtarviat – niuvirumaplutik hannaviit tutquumavighainik Iqalungni. Aghuurnaqtumik ilauyuq havaqatigiingniqmut taimaa angiqatigiighutik ihumagiyaqattiaqtut ilagiittiaqhutik AC-kut NCC-kullu havaaghat aullaqtitautinnatik. Angiqhimaplutik taimaa AC-kut maniliqiniqmik ayuitainik ikayuutiqarniat, ayuqnaittunik ataniqtuqtuiniqmik havauhiinik, munaqhugillu ikayuqtigiit taapkuattauq NCC-kut hanayiuhimaliqhutik taimaalu nanminiqnik munaqtiughaaqhutik Nunavunmi.