Kitkuuvita?

Atuqtuarvik Kuapuriisinga Inuit maniliurutiniqmut havakviuyuq ilaliutihimayuq titiraqhimayumi Kaanata Nanminiqaqtut Kuapuriisingap Maliganga June 9, 2000 naunairiami talvungalluaq Inuit ilauyut angiyunik kiinauyaliqinirmut Nunavunmi. Tunivaktugut atukkaqhamut nanminiqaqtiit kiinauyaqarniriyangit kiinauyaliqinirmut pittaaqtunik Inuit nanminiqaqtut pipkaidjutigiami aullaqtittikhanginnik, niuviqtamiknik angikliyuumiutikhanginniklu. Kuapuriisinga akhuuraalukmik piyuq Nanminiqaqtunik pivallianiq Nunavunmi tuniluni qayangnat kiinauyat ikayuqlugulu Inuit nanminiqaqtut piyunnautigiami kiinauyat aatlanit ikayuutautiuyut. Unalu, munariyavut ihumaliurhimayukutlu maniliurutiniqmut uumani Hivulliqpaanguyut Inungit Kiinauyarvinganik Kaanatami (qablunaatitut naittumik taiyauyuq FNBC-mik).

Atuqtuarvik Kuapuriisinga havakvinga Kangirliniqmi

Angmaqmat, ikayuqtavut pivallianiq qaffinik nanminiqaqtut havakvinginnik tamainni Nunavunmi aatlatqiiqaqtumik niuvvaavikhanginnik. Iniqtirutiptigut tunigiami atukkirutinik unalu nanminiqaqtiit kiinauyaqarniriyangit maniliurutiniqmut inuknut nanminiqaqtut, piliqtugut hivuliqtiuyumik havaamik piliuriami hivituyumik inmikmut pipkaidjutiyuq Nunavunmi kiinauyangit.

Ilitariyavut akhuurutininnga ihuarhigiami qanuritaakhaanik inuuhinga Nunavunmi ukunuuna nakuuqpiaqtunik kiinauyaliqinirnnganut. Ikayuqtugut uuminnga tunigiami quulitqiyauyuq pidjutinga kiinauyaliqininnganik uqaudjiupluta atuqtaptiknut, pittaaqtuniklu, ikayurahuaqtaqqut. Naunaiqtavut ikayurahuaqtavut quviahukniq piplugu nanminiqaqtut iquhimaittumik, ihuaqtumik piluni aatlanguqtuq nanminiqaqtut avatinga ihumaliurumilu nakuuyumik.